Lagi’t laging may ikatlo,
Ako, ako at hindi-ako.
Nabanaagan minsan bago mamatay
Ang hinipang sindi ng gasera,
Pinagbuksan
Kapag kumakatok sa pinto
Kahit walang inaasahang madaratnan,
Pinagbubuksan tuwina ang akala
Hanggang isang araw
Tumayo sa aking sorpresa
Ang isang estranghero at winika ko
Sa tinig ng hindi kayang magsinungaling,
“Ngayon ka lamang.
Hindi na kita hinihintay.”
12/26/12
11:05 pm
No comments:
Post a Comment